Restaurimi dhe konservimi i veshjeve tradicionale është një proces delikat dhe profesional që synon ruajtjen e trashëgimisë sonë kulturore përmes kujdesit ndaj tekstileve të vjetra, kostumeve popullore dhe elementeve të tjera të veshjeve që mbajnë kujtesën e brezave. Ky proces bëhet sipas udhëzimeve dhe praktikave më të mira kombëtare dhe ndërkombëtare.
Qëllimi i kësaj punëtorie është të zhvillojë aftësitë praktike të të rinjve dhe studentëve në restaurimin dhe konservimin e veshjeve tradicionale, për të ndihmuar në mbrojtjen dhe kthimin e tyre në një gjendje të qëndrueshme dhe të ruajtshme për brezat e ardhshëm.
Punëtoria do të zgjasë 21 ditë, e ndarë në 3 grupe të ndryshme që do të mbahen në javë të ndryshme, në Muzeun e Lidhjes Shqiptare të Prizrenit.
Afati për aplikim: 30.06.2025
Njoftimi i të përzgjedhurve: 03.07.2025
Punëtoria është pa pagesë, me ushqim dhe pije të ofruara gjatë ditëve të trajnimit.
Përparësi kanë studentët e Etnologjisë, Dizajnit të Modës, Restaurimit dhe Arkitekturës.
Të drejtë aplikimi kanë të rinjtë mbi moshën 16 vjeç.
Inkurajohen të rinjtë nga diaspora të aplikojnë, për të ndërtuar një lidhje të fortë me trashëgiminë kulturore të atdheut.
Na kontaktoni për pyetje në ojq.educo@gmail.com ose në +383 49 586 202.
Ky projekt mbështetet nga Komuna e Prizrenit dhe do të zhvillohet në bashkëpunim me Qendra Rajonale për Trashëgimi Kulturore – Prizren